കേരള ഒളിമ്പിക് അസോസിയേഷന്റെ(കെഒഎ) ഇ സ്‌പോര്‍ട്‌സ് മാഗസിന്‍ വയനാട് ജില്ലാതല പ്രകാശനം പൂമല മക്‌ലോഡ്‌സ് ഇംഗ്ലീഷ് മീഡിയം സ്‌കൂളില്‍ ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്റും രാജ്യസഭാംഗവുമായ പദ്മശ്രീ പി.ടി. ഉഷ നിര്‍വഹിക്കുന്നു.
സുല്‍ത്താന്‍ ബത്തേരി: കേരള ഒളിമ്പിക് അസോസിയേഷന്റെ(കെഒഎ) ഇ സ്‌പോര്‍ട്‌സ് മാഗസിന്‍ വയനാട് ജില്ലാതല പ്രകാശനം പൂമല മക്‌ലോഡ്‌സ് ഇംഗ്ലീഷ് മീഡിയം സ്‌കൂളില്‍ ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്റും രാജ്യസഭാംഗവുമായ പദ്മശ്രീ പി.ടി. ഉഷ നിര്‍വഹിച്ചു. മക്‌ലോഡ്‌സ് സ്‌കൂളുമായി സഹകരിച്ച് കെഒഎ സംഘടിപ്പിച്ച ‘മീറ്റ് ദ ഗോള്‍ഡന്‍ ഗേള്‍’ പരിപാടിക്കിടെയായിരുന്നു മാഗസിന്‍ പ്രകാശനം. ജില്ലാ ഒളിമ്പിക് അസോസിയേഷന്റെ പിന്തുണയോടെ മക്‌ലോഡ്‌സ് സ്‌കൂള്‍ ആരംഭിക്കുന്ന സ്‌പോര്‍ട്‌സ് അക്കാദമിയുടെ ലോഗോ പ്രകാശനവും ഉഷ നിര്‍വഹിച്ചു. ജില്ലാ ഒളിമ്പിക് അസോസിയേഷന്‍ പ്രസിഡന്റ് ഗോപകുമാര്‍ വര്‍മ അധ്യക്ഷത വഹിച്ചു. സ്‌കൂള്‍ മാനേജര്‍ ഷിംജിത് ദാമു, സംസ്ഥാന വോളിബോള്‍ അസോസിയേഷന്‍ വൈസ് പ്രസിഡന്റ് പി.ബി ശിവന്‍, ഒളിമ്പിക് അസോസിയേഷന്‍ ജില്ലാ ജോയിന്റ് സെക്രട്ടറി സുബൈര്‍ ഇളകുളം, എന്‍.സി. സാജിദ്, ഗിരീഷ് പെരുന്തട്ട, ഷറഫുദ്ദീന്‍, ടി. സതീഷ്‌കുമാര്‍, ടോം ജോസഫ്, അര്‍ജുന്‍ തോമസ്, ദീപേഷ്, തോമസ്, സിജോ മാത്യു എന്നിവര്‍ പ്രസംഗിച്ചു. ജില്ലാ ഒളിമ്പിക് അസോസിയേഷന്‍ സെക്രട്ടറി സലിം കടവന്‍ സ്വാഗതം പറഞ്ഞു.
വിവിധ സ്‌പോര്‍ട്‌സ് അസോസിയേഷന്‍ ഭാരവാഹികള്‍, കായികതാരങ്ങള്‍, വിദ്യാര്‍ഥികള്‍ എന്നിവരുമായി ഉഷ സംവദിച്ചു.
